قلب لايهدأ
ياقلب لا يهدأ..
اصمت قليلا..
استرح لكى نبدأ
واصبر صبرا جميلا
اظنك لكثرة ما احببت
تنتهى قبل ان تبدأ !!!!
17/04/1997
May 15, 2009
راجع
راجع وكلى حنين..
مشتاق لاحلى سنين..
راجع واملى الاقى
لسه عيونك حلوين
راجع من تانى اشكيلك
ايام وليالى قاسيين
راجع اخبط على بابك
وعيونى من الفرحه طايرين
يشوفو الدنيا معاكى
وغيرك مش شايفين
من رباعياتى
ايها القمر السائرفى السماء
ايها البدر الساحر الوضاء
يقولون انك تائه فى الفضاء
هل حقا انت تائه ام انهم جهلاء
25/01/1997قطار980
رجل بدائى
اننى رجل بدائى
فى مشاعرى بدائى
فى حديثى بدائى
فى حبى بدائى
وفى البدء كان الحب
فلا تحاولى مدينتى
فأنا كما انا
ولو تمدينت
فقدت اهم اشيائى
لاننى رجل بدائى
لا تنتقدينى….لا توبخينى
لا تغضبى منى
لو انتقى كلماتى يضيع حنينى
April 28, 2009
التوك توك اختار
التوك توك خلاص اختار
هيناطح الكبار
مش خايف من التريلا
ولا من عبد الجبار
اللى سايق باقصى سرعه
وعامل وراه غبار
التوك توك صوته واطى
لكن سامعه بيقول
فى داهيه ياعبد الجبار
فى داهيه ياعبد الجبار
الامل
ارسمونى فى الكراسات
هتلاقونى دوامات
تدور فى كل الاتجاهات
ارسمونى مركب ورق
جوه بحر كبير
وريح شديد
بس بتقاوم الغرق
ارسمونى شباك مفتوح
فى ليل عتمه
مستنى بكره اللى لازم ييجى
الشمس فين هتروح!!
ارسمونى حبه
فى بطن الارض مرميه
ماحدش يقول ماتت
بعد ماتشرب حبة ميه
تطلع من الارض رافعه ايديها للسما
عود اخضر واوراق نديه
April 10, 2009
نصيحه
تواضع يابن ادم
وخدها نصيحه ببلاش
اللى انهارده عميد
بكره لواء بالمعاش
واللى غراه الصحه
بكره يشرف فى الانعاش
April 9, 2009
April 8, 2009
April 3, 2009
April 1, 2009
توك توك
تروح فين يا توك توك وسط التريلات
ماتعملش عنتر ..مانتش حمل الكلكسات
اركن على جنب ياشاطر خلى الكبير يفوت
خليك جبان وعايش
احسن مايعملوك بطل وتموت
March 29, 2009
مسؤل كبير
مسؤل كبير ……لقيته مش فاهم صعب على يكون اخر من يعلم
حاولت افهمه مافهمش حاولت اكلمه مارضيش يسمعنى
غضبت…ثرت…بس فى الاخر فهمت
المسكين خايف يفهم يطلعوه معاش
March 22, 2009
قرفان
قرفان قرف مقرف قارفنى فى عيشتى
مخنوق من ظلم ظالم ظلمنى ومرر عيشتى
كتبت شكواى فى ورق من تقلها قطمت وسطى
تشكى لمين واللى ظلمك امير
كبير وعلى كتفه دبابير
ناديت النوم علشان يخمدنى وانسى الهموم
ضحك السهر وقاللى
المظلوم مظلوم حتى لو جاله نوم
